Чамдаа би дурлав

Энгийн даруу харц нь сэтгэл юун даа татав.
Эгэл нэгэн бүсгүй атлаа намайг юунд татав
Гуниг хурсан харцанд нь сэтгэл юунд эмзэглэв.
Гоолиг сайхан нь олон атал чамдаа би дурлав.

Яагаад гэвэл.

Сэтгэлдээ багтаах хайр чинь тунгалаг.
Сэвлэг үрдээ бүүвэй аялах чинь уянгалаг.
Эгэл жирийн бүсгүй ааль чинь ялдам.
Энхрий чи минь дэргэд байвал амгалан.
Д. Бат-Ирээдүй. 2017.03.23

Зүрхэнд үдэлсэн шувуухай

Угалз шаглаа даалиндаа хайрын сэтгэлээ шингээгээд.  
Учрах заяагүй амраг минь үдлээд ниссэн шувуусан.
Уяа сойлгот хүлэг шиг залуу насны минь дундуур.
Усны шувуу адил зусаад л ниссэн дурлалсан.

Ялдамхан мишээж дурлуулсан.
Ядмагхан зүрхний шаналал минь.
Гэгэлзэх сэтгэлийг догдлуулсан.
Гэнэхэн зүрхний шаналал минь.

Хамт байсан мөч бүртээ хайраа шингээж үлдээчихээд
Хагдарах цэцэг адил хаяаад одсон бүсгүйсэн.
Од харвах мөчлөг мэт залуу насны дундуур.
Омголон зүрхийг догдлуулаад орхиод одсон дурлалсан.

Сэтгэл нийлээгүй амраг чамайг.
Сэмхэн нуугаад зүрхэндээ түгжий.
Чиний араас шаналасан мөчөө.
Чимээгүй нуугаад сэтгэлдээ түгжий.


      Д. Бат-Ирээдүй         2017